Bèques de caractèr generau entath cors academic 2017/2018, entà estudiants que corsen estudis postobligatòris

//Bèques de caractèr generau entath cors academic 2017/2018, entà estudiants que corsen estudis postobligatòris

Bèques de caractèr generau entath cors academic 2017/2018, entà estudiants que corsen estudis postobligatòris

Eth Conselh Generau d’Aran, mejançant era Oficina de Joenessa, darà informacion e assessorament sus era convocatòria de bèques de caractèr generau entath cors 2017-2018, deth Ministèri d’Educacion.

Aguestes bèques includiràn quauqua o quauques des següentes quantitats:
– Quantitats fixes: bèca matricula, quantitat fixa relacionada damb era renda der estudiant, quantitat fixa relacionada damb era residéncia der estudiant pendent eth cors escolar e/o bèca basica.

– Quantitat variabla: resultarà dera ponderacion dera nòta mieja der expedient der estudiant e era sua renda familhara.

BÈQUES DE CARACTÈR GENERAU ENTÀ ESTUDIANTS DE CORSI POSTOBLIGATÒRIS E SUPERIORS NON UNIVERSITARIS:

Es bèques se convòquen entàs estudis següents:

  • Prumèr e dusau cors de bachelierat

  • Formacion Professionau de grad miei e superior

  • Ensenhaments artistics professionaus

  • Ensenhaments esportius

  • Ensenhaments artistics superiors

  • Estudis religiosi superiors

  • Estudis militars superiors

  • Estudis d’idiòmes realizadi en escòles oficiaus de titularitat des administracions educatives

  • Corsi de preparacion entàs pròves d’accès ara Formacion Professionau impartidi per centres publics e concertadi

  • Formacion professionau basica

Requisits generaus:

  • Non èster en possession o non auer es requisits legaus entara obtencion d’un títol deth madeish o superior nivèu entath quau se sollicite era bèca.

  • Èster espanhòu, o possedir era nacionalitat d’un Estat membre dera Union Europèa.

  • Amassar eth rèste de requisits academics e economics qu’especifique era convocatòria.

Requisits academics:

  • Èster matriculat en 2017/2018 deth cors complèt o as moduls que determine era convocatòria d’un des ensenhaments nomentadi anteriorments.

Requisits economics:

  • Non passar es limits dera renda e patrimòni familhau establidi ena convocatòria.

Sollicituds:

Era sollicitud s’a de completar mejançant eth formulari accessible via internet a trauès dera sedença electronica deth Departament ena adreça https://sede.educacion.gob.es/portada.html

Non cau aportar documentacion, sonque en determinades situacions s’aurà d’aportar era documentacion concrèta que se li especificarà en formulari. Mès, entà ramplir corrèctament eth formulari ei de besonh auer era següenta documentacion:

  • DNI de toti es membres computables dera familha

  • Numèro de compde bancari (eth sollicitant a d’èster titular o cotitular)

  • Matricula deth cors 2017/2018

  • Donades deth cors anterior (nòm e localitat deth centre a on se realizèren es estudis er an anterior o eth darrèr an estudiat)

  • S’er estudiant demore dehòra deth domicili familhau pendent eth cors escolar:

    • Contracte de loguèr

    • Donades dera residéncia (nom, adreça, CIF/NIF, impòrt)

  • Títol de familha nombrosa

  • Resolucion de reconeishement dera discapacitat (se i a quauque frair o fraia afectat)

  • Frair/a universitaris, donades dera universitat a on estúdie.

Eth tèrme de presentacion des sollicituds ei enquiath 3 d’octobre de 2017.

BÈQUES DE CARACTÈR GENERAU ENTÀ ESTUDIANTS D’ENSENHAMENTS UNIVERSITARIS:

Es bèques se convòquen entàs estudis següents:

  • Ensenhaments universitaris de Grad e de Màster

  • Ensenhaments universitaris de licenciatures e diplomatures.

  • Cors de preparacion entar accès ara universitat de majors de 25 ans impartidi per universitats publiques.

  • Complements de formacion entar accès a màster, grad o entà seguir estudis oficiaus de licenciatures.

Requisits generaus:

  • Non èster en possession o non auer es requisits legaus entara obtencion d’un títol deth madeish o superior nivèu entath quau se sollicite era bèca.

  • Èster espanhòu, o possedir era nacionalitat d’un Estat membre dera Union Europèa.

  • Amassar eth rèste de requisits academics e economics qu’especifique era convocatòria.

Requisits academics generaus:

  • Èster matriculat en 2017/2018 de 60 crèdits enes estudis de Grad

  • Tà estudis de prumèr o dusau cicle: Eth nombre de crèdits que resulte de dividir eth totau de crèdits qu’intègre eth plan d’estudis entre es ans de que se compause.

  • Tà estudiants de dusau cors, auer aprovat es credits e eth rendiment academic establit ena convocatòria.

Requisits economics:

  • Non passar es limits dera renda e patrimòni familhau establidi ena convocatòria.

Sollicituds:

Era sollicitud s’a de completar mejançant eth formulari accessible via internet a trauès dera sedença electronica deth Departament ena adreça https://sede.educacion.gob.es/portada.html

Non cau aportar documentacion, sonque en determinades situacions s’aurà d’aportar era documentacion concrèta que se li especificarà en formulari. Mès, entà ramplir corrèctament eth formulari ei de besonh auer era següenta documentacion:

  • DNI de toti es membres computables dera familha

  • Numèro de compde bancari (eth sollicitant a d’èster titular o cotitular)

  • Matricula deth cors 2017/2018

  • Donades deth cors anterior (nòm e localitat deth centre a on se realizèren es estudis er an anterior o eth darrèr an estudiat)

  • Entà estudiants de prumèr cors era nota d’accès ara universitat

  • S’er estudiant demore dehòra deth domicili familhau pendent eth cors escolar:

    • Contracte de loguèr

    • Donades dera residéncia (nom, adreça, CIF/NIF, impòrt)

  • Títol de familha nombrosa

  • Resolucion de reconeishement dera discapacitat (se i a quauque frair o fraia afectat)

  • Frair/a universitaris, donades dera universitat a on estúdie.

Eth tèrme de presentacion des sollicituds ei enquiath 17 d’octobre de 2017.

Entà mès informacion vos podetz adreçar tara Oficina de Joenessa, plaçada en carrèr Major, 36. Concertant ora per auança, en orari d’atencion ath public: de deluns a diuendres de 8.00 a 15.00 ores. Tel: 973 64 06 25. Email: joenessa@aran.org

Entà ampliar informacion, en següent link podetz consultar era pagina web qu’a elaborat eth ministèri entara convocatòria des bèques:

http://www.mecd.gob.es/educacion/mc/becas-generales/2017-2018/inicio.html

By | 2017-11-17T11:18:41+00:00 August 30th, 2017|Noticias|Comments Off on Bèques de caractèr generau entath cors academic 2017/2018, entà estudiants que corsen estudis postobligatòris

About the Author: