Es naues tecnologies s’an convertit en principau canau d’interaccion personau e sociau dera joenessa actuau.

Internet, messatges msn, dispositius electronics entrelaçats e d’auti s’an convertit en principaus utissi qu’es joeni utilizen entà comunicar-se e ath madeish viatge en principau canau ar abast dera administracion entà arribar ara joenessa.

En aguest projècte se plantege era creacion d’ua plana web interactiva e informativa, mès tanben un parallèl ara oficina enes tramitacions, gestions, suggeréncies o consultes.

S’establís coma ua plataforma englobada en ua comunitat tamb ues possibilitats entàs joeni e joenes nauedoses e ara man sense coneishements prealables. Ua comunitat on se sajarà de remassar a toti es joeni dera Val d’Aran tamb un hilat d’objectius des quaus es mès importants son:

• Potenciar era informacion adreçada as joeni.
• Fomentar e potenciar un canau tà pr’amor de poder arribar as joeni d’ua manèra eficienta e eficaça.
• Fomentar e potenciar era participacion des joeni.
• Establir aguest canau, coma prioritat entàs activitats, campanhes, actuacions e accions dirigides ara joenessa dera Val d’Aran.

Qu’Internet a revolucionat es procèssi de trabalh, de distribucion e de comunicacion entre empreses a nivèu economic non ei arren nauedós, e dejà demore assolidat enes marges d’activitat deth hilat empresariau catalan e aranés.