Eth vicesindic d’Aran, Luis Carlos Medina, se reunís damb era directora generau de Joenessa, Marta Vilalta

/, غير مصنف/Eth vicesindic d’Aran, Luis Carlos Medina, se reunís damb era directora generau de Joenessa, Marta Vilalta

Eth vicesindic d’Aran, Luis Carlos Medina, se reunís damb era directora generau de Joenessa, Marta Vilalta

  • Eth vicesindic d’Aran e era directora generau de Joenessa dera Generalitat de Catalonha an anonciat que fin finau se poderàn contractar a cinc joeni en practiques professionaus entà per’mor de melhorar eth sòn curriculum.
  • Aguesti contractes se trapen laguens deth Programa Garantia Juvenil.
  • Garantia Juvenil ei ua iniciatiua dera Union Europèa entà redusir eth caumatge juvenil, qu’aufrís incentius entara contractacion que se pòden compatibilizar damb es subvencions que preven es programes deth SOC.

Eth vicesindic d’Aran, Luis Carlos Medina, s’a amassat ena sedença deth Conselh Generau d’Aran damb era directora de Joenessa dera Generalitat de Catalonha, Marta Vilalta, qu’a realizat ua visita ara Val d’Aran entà conéisher de prumèra man es politiques de joenessa que realize eth Govèrn d’Aran.

Eth Conselh Generau d’Aran a transferida era competéncia de Joenessa e compde damb un burèu d’atencion as joeni entà per’mor d’arrespóner as sus oportunitats.

 

DSC_0440

 

Pendent era reünion, a on tanben an assistit es tecniques deth Departament de Joenessa deth Conselh Generau d’Aran: Vanessa Cuní, Estefanía Revilla, Estefania Deobarro e era coordinadora territoriau de Joenessa en Lleida, Esperança Casas; eth vicesindic d’Aran, Luis Carlos Medina, e era directora generau de Joenessa, Marta Vilalta, an publicitat qu’eth Govèrn d’Aran poderà contractar a cinc joeni en practiques professionaus entà per’mor de melhorar eth sòn curriculum e facilitar era sua incorporacion en mercat laborau. Aguesti contractes se trapen laguens deth Programa Garantia Juvenil.

Garantia Juvenil ei ua iniciatiua dera Union Europèa entà redusir eth caumatge juvenil, qu’aufrís incentius entara contractacion que se pòden compatibilizar damb es subvencions que preven es programes deth SOC. Damb tot, se pòden redusir es cotizacions sociaus dera empresa enquiath 100% se se contracten joeni inscriti en programa. Er objectiu de Garantia Juvenil ei garantir que joeni de 16 a 29 ans arreceben ua aufèrta de trabalh, educacion e formacion, en un termini de 4 mesi en finalizar era educacion formau. Garantia Juvenil includís un totau de 100 mesures entà facilitar era insercion des joeni en mercat laborau, eth foment der esperit emprenedor, atau coma era melhora dera ocupabilitat.

Des deth Departament de Joenessa deth Conselh Generau d’Aran se trabalhe entà obtíer es objectius que mèrque eth programa de Garantia Juvenil damb era collaboracion dera Direccion Generau de Joenessa dera Generalitat.

 

 

 

Fuente:Conselh Generau d’Aran

By | 2017-06-02T09:05:17+00:00 October 29th, 2016|Noticias, غير مصنف|Comments Off on Eth vicesindic d’Aran, Luis Carlos Medina, se reunís damb era directora generau de Joenessa, Marta Vilalta

About the Author: