Vielha, 30 de mai de 2018.- Era Escòla Alejandro Casona de Les a estat eth lòc a on s’an desvolopat dus talhèrs organizadi pera Oficina de Joenessa dera Val d’Aran, dirigidi a mainatges e mainades per un costat e a pairs, mairs e educadors per d’aute.

Eth prumèr des talhèrs, sus coaching, ac realizèren dus grops de cicle miei e cicle iniciau de mainatges e mainades dera escòla. Es talhèrs, d’ua ora de durada, serviren entà trabalhar de manèra dinamica e vivénciau estrategies que permeten as mès petiti arreconéisher e gestionar es emocions. Es dinamiques amiades a tèrme permeteren as mainatges arreconéisher ena sua istòria de vida situacions que les an hèt sénter es emocions basiques (tristesa, paur e alegror), explicar com se senteren e era importància de gestionar aguesta emocion a trauès d’exercicis.

Eth dusau des talhèrs dirigidi a pairs e mairs e tanben a educadors, damb eth títol d'»È vist en Instagram deth tòn hilh que …», Servic, de manèra dinamica, méter en coneishença des nombrosi assistents qu’ei aguest hilat sociau, es possibilitats qu’aufrís e es estrategies entà trabalhar coma mairs, pairs e educadors damb es joens e es mainatges entà hèr un bon emplec d’aguest hilat sociau.